Este último trimestre está cheio de aventuras!

Ontem 11 de maio as sementinhas passarom o dia em Ferrol.

Lá fumos primeiro a Correos, onde preparamos e mandamos cartas a outras Sementes da Galiza e maravilhamo-nos coas vidrieiras do teito. Tambén aprendimos a recolher um paquete, enviar cartas, o prefranqueo e como solicitar o voto por correio.

Além disso, descobrimos a diferença entre empresa pública e privada e reflexionamos sobre as vantagens dos serviços públicos.

Noutros países, as persoas que moram no rural, tenhem que desprazar-se aos núcleos de populaçom mais grandes para recolher a sua correspondência, já que a empresa privada se nom obtém benefício (levando umha carta a um recuncho moi isolado) nom dá serviço. Isso isola mais, a quem já está isolado. Mentres que Correos chega, ou deve chegar, a todos os recunchos do estado, e permite dar serviço a toda a cidadania, primando o benefício social sobre o benefício puramente econômico.

Depois fumos ao Museu de construçom naval Exponav, coa magnífica guia Gema e aprendimos muitas coisas. Figemos obradoiro de nós marinheiros, um escape room, e visitamos o Museu Naval com Bernardo Maiz, historiador de Ferrol e avó dumha criança.

Foi umha manhá maravilhosa.

Obrigadas a todas as trabalhadoras de Correos e dos museus por acolhernos tan bem, e por suposto a Bernardo pola súa companhia e ensinazas!